影片
更多
2016-04-25
327 浏览
4月24日 雨天下雨天總掛念從前...... 今日真係落好大雨，但反而令我諗起昔日住係荃灣既日子。即興約左個死黨返荃灣覓食，行下行下就行左去海壩街，我地細個就係果係果頭讀書，不過自己畢業之後都冇左返過去，今次行過，反而見到好多新開既食肆。行下行下，就見到韓正屋，見佢舖仔細細，但又好似幾多人食，再睇下個MENU 又好似幾抵食，就入左去啦。其實果時只係六點幾，未算真正食飯時間，但韓正屋已經半滿，我地後面仲有幾個女仔都跟住入尼，可見佢係區內都應該有啲名氣。事不宜遲，講下叫左咩食先~1)小菜: 泡菜一小碟 7.5/10分韓國有句俗話說，"泡菜是半個糧食"。無論幾奢華既宴會飲食，餐桌上也少不了泡菜。韓國人無論貧富貴賤，都以米飯爲主食，一日三餐都不離泡菜。韓正屋唔似其他韓國餐廳般提供免費小菜，要另加$10至有泡菜食，不過食10蚊係抵俾既，依度既泡菜唔似出面咁辣，反而酸味比較出，而且仲有少少甜味中和返。老實講，依隻味道其實就唔係幾正宗既，不過反而就到香港人口味，就好似我個FRIEND 咁唔食得辣，但都係咁夾尼食，就知佢其實真係有調校過隻味啦~2) 泡菜牛肉豆腐湯 8/10分每次去到韓國餐廳，我都鍾意
下雨天總掛念從前...... 今日真係落好大雨，但反而令我諗起昔日住係荃灣既日子。即興約左個死黨返荃灣覓食，行下行下就行左去海壩街，我地細個就係果係果頭讀書，不過自己畢業之後都冇左返過去，今次行過，反而見到好多新開既食肆。行下行下，就見到韓正屋，見佢舖仔細細，但又好似幾多人食，再睇下個MENU 又好似幾抵食，就入左去啦。
其實果時只係六點幾，未算真正食飯時間，但韓正屋已經半滿，我地後面仲有幾個女仔都跟住入尼，可見佢係區內都應該有啲名氣。事不宜遲，講下叫左咩食先~
1)小菜: 泡菜一小碟 7.5/10分
韓國有句俗話說，"泡菜是半個糧食"。無論幾奢華既宴會飲食，餐桌上也少不了泡菜。韓國人無論貧富貴賤，都以米飯爲主食，一日三餐都不離泡菜。韓正屋唔似其他韓國餐廳般提供免費小菜，要另加$10至有泡菜食，不過食10蚊係抵俾既，依度既泡菜唔似出面咁辣，反而酸味比較出，而且仲有少少甜味中和返。老實講，依隻味道其實就唔係幾正宗既，不過反而就到香港人口味，就好似我個FRIEND 咁唔食得辣，但都係咁夾尼食，就知佢其實真係有調校過隻味啦~2) 泡菜牛肉豆腐湯 8/10分
每次去到韓國餐廳，我都鍾意點 "大醬湯"，因為非常惹味! 韓正屋就冇大醬湯，咁就唯有叫其他啦，點知個 "泡菜牛肉豆腐湯" 又OK WOR! 食落味道同大醬湯相近，同樣微辣惹味，都幾開胃，如果可以再辣丁點味道就會更佳。份量方面，牛肉，豆腐，都相當多，仲有少少金菇TIM。我個人就比較鍾意食金菇，如果可以落多少少金菇就會更好。3) 雞肉年糕湯麵 7/10分
其實個麵冇咩特別，算係不過不失咁啦，湯底明顯係味精湯底，有啲似出XX丁既雞蓉味味粉，但個麵底都幾大，如果係女仔尼食，兩個人SHARE食，應該都夠飽。而且雞肉份量亦唔少，食到最尾冇晒麵都仲有好多雞肉剩。但可以改善既係年糕太少，而且煮到好淋，冇咩咬口。4) 韓式雞翼 6.5/10分
韓式雞翼同其他比就相對失色，同我係屋企自己煎既味道冇咩分別，食唔出有咩分別。佢點整我就唔知，但基本上我係屋企就用鼓油，糖，鹽，再加少少雞粉醃好，再慢火煎一陣就OK。雖然佢唔韓式，但基本上雞亦好難整得唔好食，其實都OK 既。6.5分係俾佢冇咩特別，而唔係話佢難食。總括尼講，雖然今餐食既韓國野唔係話好正宗，但配合到港人口味其實亦唔差，加上價錢相宜，份量又夠大，大家下次到荃灣一試無妨。
张贴
