海港酒家

营业中

休息中

今晚同一大班親戚食飯，有人由國外返嚟，有人過生日。嗌咗經典粵菜套餐，加啲散點嘅餸，雖然唔係咩新菜式，但都係真材實料，廚藝亦不俗，發揮到應有水準，係幾時食都覺得熟悉又好味嘅港式粵菜嚟。明爐燒鵝、清蒸海斑、龍蝦伊麵、魚翅海鮮羹、鵝掌鮑魚扒菜蔬、菠蘿咕嚕肉、瑤柱蛋白炒飯......無論係本地外地親戚，個個食到舐舐脷，有啲仲要手機搶住食先。碟碟色香味俱全，且份量十足，實在食唔落嘅，一於同部長買幾個飯盒打包拎走，唔好嘥嘛。咁平靚正嘅酒樓，唔怪得爭啲book唔到位，成晚座無虛席啦！