海皇粥店 (樂道) (已結業)

海皇粥充滿我學生時期嘅回憶，今日約咗中同睇電影🍿口淡淡又趕時間，就去咗海皇粥食一個快靚正嘅晚餐。估唔到尖沙咀都有咁抵食嘅粥麵店，裝修新穎，燈光光猛，座位坐得舒服，店員姐姐有禮貌又細心。粥品特餐皮蛋瘦肉粥配蝦米腸 我最愛的皮蛋瘦肉粥，粒粒皮蛋有咬口，皮蛋粥口感綿滑，面頭灑上花生和油炸鬼片，簡單美味。蝦米腸粉，多蝦米，真材實料，最緊要係混醬汁，自由添加！甜醬、麻醬、辣醬，通通都要，增添美味！酥炸雞扒肉燥配白飯 豆漿都係海皇粥嘅推介健康飲品，甜又有濃郁的豆香。酥炸雞扒酥脆可口，肉滑多汁，肉燥有台式風味，配白飯一流。蕃茄湯牛肉米線 一間舖頭滿足埋我食米線嘅慾望，香甜濃郁的蕃茄湯底，有鮮蕃茄配料，特別清新健康。滑牛肉味道濃郁。