Darci by Aldou (已結業)

元朗好多餐廳，淨睇都有選擇困難。好耐冇同媽媽食好西，行行西鐵站附近搵搵靈感，😂經過見到已經滿曬，門面都幾吸引，直覺話我知係佢啦！選擇困難症最岩點dinner set，可以做最少嘅選擇。頭盤叫左生蠔海鮮凍盤，生蠔海水味重，又幾甜。忌薕蘑菇湯打得好滑，飲落去好舒服。個餐包同平時好唔同係好似薄餅咁，簡單點黑醋加橄欖油就好味😋蟹肉冬蔭功飯 聽個名已經好特別，平時意大利飯多數用白汁芝士好易好膩。冬蔭公明顯味道都係偏fusion 有東南亞嘅味道，呢個反而加分，微微酸帶有香茅嘅香氣，係難得開胃嘅意大飯主菜叫左蜜糖焗德國豬手 ♥️豬手唔係脆皮個種，但皮烤出黎係有彈性，怕熱氣嘅人都岩食。配燒菠蘿好完美😍，又甜又多汁食完中和番，唔覺自己食左咁多肉。餐飲叫左鐵觀音，呢個係普通茶包泡嘅，唔會預好濃好有茶味，不過食咁豐富，清清地嘆啖茶都幾好。