火焰山重慶火鍋 (已結業)

今日同屋企人出去食飯，細佬話想打邊爐，但將軍澳既打邊爐真係少之有少，最後搵左呢間係明德商場既打邊爐。.有散叫有套餐，我地叫左個「海鮮4人套餐」，湯底係：火焰龍蝦卜卜蜆煲，原隻龍蝦🦞湯底加龍蝦湯，店家仲幫手預先拆左龍蝦肉，湯底滾左之後先飲湯，之後加湯再打邊爐😍.海鮮套餐包括：中山白鱔片大蓮鮑魚海蝦花膠件扇貝廣島蠔日本8吋長蟹柳拼芝士竹輪卷貴妃蚌拼珊瑚蚌田園雜菌盤稻庭烏冬.海鮮類幾抵讚👍🏻全部都洗乾淨晒拆埋殼，唔使打完邊爐再剝殼(除左蝦)，海鮮新鮮爽口，除左海鮮之外，花膠件同芝士竹輪卷索晒個湯底汁都好入味又惹味。.最後仲有個甜品係踏雪飄飄（雪燕），不太甜加左椰汁比較香同甜。4人海鮮餐都算幾抵食👍🏻自己買料又龍蝦、扇貝、鮑魚、廣島蠔 又要洗又要整都好花時間😅加上佢個龍蝦湯真係好正😋😋 下次屋企人打邊爐都可以返兜。