八幡屋涮涮鍋 (已結業)

好耐冇同朋友打邊邊，今次就去咗八幡屋涮涮鍋食嘢！上到去覺得環境都幾好，坐得都唔錯，夠寬敞。炸物款式都多，最中意係炸饅頭味道香脆，點煉奶食最正，大家一定要試下！刺身都好新鮮，份量都ok，溫度適中，我哋仲叫咗壽司食，舊飯唔會太大，我自己就幾中意食個燒蝦同燒丸，可以任食！不過主角都係打邊爐，豬骨湯底好清甜，放咗好多菜，呢一餐食咗勁多海鮮勁多肉，我仲食咗好多雪糕🥹，肥多幾kg…..發現佢依家都幾多優惠，不過一定要用佢社交平台post中既連結訂座。午巿同晚巿經網上預約就送鮑魚，4個人既話仲送多碟生蠔！不過最抵係網上預約 C3餐，買一送一，呢個抵到爛！我決定下次食呢個！