緣味小聚 (LADDER Dundas) (已結業)

今日返工嘅時候突然之間好想食海鮮，於是就喺OpenRice度搵吓睇吓有啲乜嘢餐廳好介紹，就比我搵咗呢一間緣味小聚！見到啲相好似幾好食同埋性價比好高，於是就帶埋個好姊妹一齊去食飯啦！呢間餐廳而家做緊嘅都係任食嘅海鮮蒸，粥底火鍋任食，點心，小食任食！真係一間可以食到飽嘅餐廳啦！咁大個女都未試過去任食嘅海鮮餐廳！見到啲食材就覺得餐廳真係好有誠意！全部都係大大隻好新鮮！而且用蒸鍋真係可以知道啲食材新唔新鮮！整體來講都係非常有質素！點心方面都係好有水準，我自己好鍾意食呢度嘅蝦餃，呢度嘅蝦餃晶瑩剔透，而且外皮好薄！入面嘅蝦肉爽滑彈牙！仲要有粥底嘅火鍋，呢度嘅粥底湯底好香濃嘅海鮮味道！就係呢碗粥都已經差唔多值回票價啦！