天機棧扒房 (已結業)

前排好忙無時間打食評,不過上次生日飯去左間西餐廳,真心覺得抵食,而且環境舒適,好值得推介俾朋友。天機棧扒房位於旺角樓上舖,地方不太顯眼,幸好預先search過,所以知道哩間餐廳。當日去到大約六點半,人數唔多,十分寧靜。燈光暗黃柔和,頗有情調。我地兩人各自點左個$188套餐。第一道菜我地同樣揀左生蠔海鮮拼盤,除左兩隻超大生蠔,其他都係平價食品,不過勝在夠新鮮,哩個價錢有生蠔食都算物超所值。頭盤我地分別擇左芥末蜜糖薯仔沙律同巴黎汁田螺焗薯蓉。沙律菜🥗好新鮮,薯仔軟硬度適中,配上少許沙律醬,食落好清新。薯蓉就剛好相反,加入少許茄醬,味道較濃。同樣食材🥔兩種做法,一樣好食😋。見佢加$35有鵝肝食,更係試下啦!賣相都唔錯有沙律伴碟,鵝肝表面煎到有少少脆,中間肉質就淋淋地,加埋個醬汁超好味。餐湯我地揀左龍蝦海鮮濃湯,龍蝦味重,湯結結地,幾有口感。終於到主菜,主菜未到其實都已經有五成飽。 我地揀左西冷扒,隻碟超大,塊扒都好好大😳。哩款西冷扒用炭燒方式烹煮,真係好重炭燒味。牛扒肉質夠淋,醬汁完全被肉吸收，食完齒頰留香🤤🤤。最後甜品我地揀左朱古力心太軟。因為食生日飯所以想係蛋糕碟上加字，但店員話訂枱時要