籽泰 (已結業)

好少黎到荔枝角四小龍地區，原來個邊有間AEON，入面仲有唔少食店。我地揀左泰國菜《籽泰》。❗️而家晚市做緊全單8️⃣折，抵❗️（蟹類產品及飲品除外）✨生蝦刺身好鮮甜爽口，連埋蒜片同辣椒，點埋生蝦醬汁，好味🥰✨豬肉碎肉生菜包生菜包從來係老公favourite之一。生菜好鮮嫩，肉碎肥瘦適中好香口，酸酸辣辣好惹味，又唔會太油膩，讚。✨甜酸辣沙甸魚配即炸蝦片第一次咁樣配搭食，好新穎。沙甸魚微微酸辣，魚油香味濃，仲有蒜頭同洋蔥香。配上脆卜卜既蝦片一齊食又幾好味（啲蝦片就咁食都好正）。✨泰北咖哩牛腩黃金麵黃金麵彈牙有蛋香，咖哩湯底好香帶微辣。牛腩煮得夠哂淋，口感一流，牛味濃郁，讚👍🏻✨籽泰麵（牛）湯底香濃，牛腩一樣大讚，牛丸好彈牙。麵底係金邊粉，配料仲有通菜、芽菜同脆卜卜炸豬皮。佢地仲有自家製醬汁，辣椒醋同辣椒油，喜歡仲可以買返屋企食！✨泰國奶茶沙冰 及 青檸沙冰前者奶茶味濃，但唔會好甜；後者酸味味好醒神。