金泰子泰國餐廳

每星期我都會經過金泰子，但開業數月都未幫趁過，天氣炎熱不想走遠，周末就在家附近食個午飯，當出外抖下氣，就跟媽媽試下金泰子。


＊＊＊＊＊＊＊＊＊＊＊＊


金泰子可算是一間泰式茶餐廳，$38至$55已經有一個午餐，還奉送例湯，配椰汁冰龍眼冰等泰式特飲才可$5，在百物騰貴的香港算是抵食了。


店內座位不算太擠迫，裝潢簡單整潔，唯獨大熱天時從店外走進來可能會覺得空調有點不夠冷。


甫坐下，還未點餐，侍者先奉來每人一碗例湯，味精湯是肯定的，但不會太味精已算可接受，湯內還有兩大塊青紅蘿蔔。

例湯

跟餐加$5可以有指定兩三款泰式特飲，天氣熱點都要飲返杯凍飲。


左: 龍眼冰(跟餐+$5)


龍眼冰不會過甜，內有兩粒龍眼。


右: 椰汁冰(跟餐+$5)


椰汁冰椰汁味都可以。

龍眼冰 & 椰汁冰

泰式海南雞飯($50)


出面食午飯，海南雞飯通常都不便宜，金泰子$50就可以食到，而且雞和飯的份量都幾多，男士都夠飽。

泰式海南雞飯

$50

雞肉不會過鞋，皮下肥膏不多，油飯油量亦適中，幾抵食。

泰式海南雞飯

$50

冬陰功湯河粉($42)


平時食lunch如果胃口不特別好都會選食粉麵，因為一般粉麵份量都不會太多，但這個冬陰功湯河卻出奇地大碗。我選了豬頸肉，豬頸肉份量都不少，另外還有蘿蔔、秀珍菇和番茄。

1

冬陰功湯河粉

$42

河粉屬於幼身，都幾薄幾滑，冬陰功湯底酸辣度還可以，不吃辣的人都能吃到，但如果像我一樣嗜辣的人可能會覺得不夠辣。

冬陰功湯河粉

$42

冬陰功湯河粉

$42

椰汁芒果西米露($28)


西米露是另外點的，都幾大碗，綠色的是綠西米，食落口感Q彈，幾特別。

椰汁芒果西米露

$28

總結，食物味道中規中舉，價錢大眾化，份量亦多，非常抵食。