泰瀾鑊 (朗壹廣場)

好耐無食泰國菜，上網睇下邊間泰國菜好食，見依間餐廳好似幾唔錯，距離我又唔遠，於是就去試下！

泰式凍奶綠

泰式凍奶綠

凍奶綠顏色呈啞綠色，飲落好冰涼甜度適中，奶味濃郁，亦帶有濃濃茶香。

頂級蘭王蛋泰式鐵板蠔餅

頂級蘭王蛋泰式鐵板蠔餅

鐵板上蠔餅份量好大，一定夠晒飽！質感外脆內軟，表面鋪滿好多蠔仔，而入面亦有超多椰菜！蠔肉香味十足，再點埋醬汁一齊食就更惹味！

馬莎文咖哩牛舌

馬莎文咖哩牛舌

牛舌又多又大塊，口感軟嫩入味。咖哩汁好濃郁但又唔會辣，啱晒唔太食得辣既朋友。下面仲有個爐仔熱住咖喱，令到成個菜式更好味！

香葉爆炸軟殼蟹

香葉爆炸軟殼蟹

軟殼蟹好大隻，又外脆內軟，味道幾香辣，鐘意食辣既朋友應該幾鐘意。

1

2