籽泰 (已結業)

中午趕時間，諗住係Aeon快食lunch。但其他鋪頭都要排隊，但呢間唔係好多人，即刻有位，所以就入左去。叫左個甜酸雞肉炒金邊粉，唔洗加錢有野飲。計埋加一$64講返野食先，個金邊粉酸酸甜甜幾開胃，份量正常，金邊粉偏濕。不過呢個價位都唔expect 係好標青/會有驚喜。飲品叫左個薑蜜，冬天飲十分暖胃驅寒，幾好幾好。賣相普通但味道幾好。住附近諗唔到食咩嘅話呢間係唔錯嘅選擇，價錢合理。而且員工都好nice，熱情好客，好難得。