泰廚泰國菜館

营业中

休息中

平時行過寵物街成日見倒呢間泰國菜排哂長龍，今日買完寵物野行過聞倒好香串燒味已經流哂口水，索性坐低食個飯。星期一至日都有唔同優惠，唔洗等到十點後都可以叫架！仲有一蚊優惠！叫滿二百蚊就有得叫一樣！ 我地揀左一蚊生蝦！有四隻，份量都唔小另外再叫左原碟生蝦，因為我同朋友都好中意食生蝦生蝦入口爽甜，可以加埋蒜頭同辣椒夾住黎食再多一重口感。伴碟既綠色醬汁酸酸辣辣好開胃！青檸梳打，原枝梳打上，由客人自己隨意倒落杯中，唔洗驚飲得慢啲冰會溶哂沖淡味道！和牛串，牛味濃郁，一啲都唔韌！醬汁好清新，同和牛好夾！仲有青椒同洋蔥都燒得絕不馬虎！馬拉盞炒通菜，每次食泰國菜都必點既菜式通菜炒得非常惹味夠哂鑊氣！通菜亦無炒得過耐而變黑。泰式明爐烏頭魚，上檯見倒個湯落足料，有香茅，椰菜，芹菜，南薑同酸梅等等。飲落有啲似唔辣版既冬陰公，酸酸辣辣。魚既肉質都好嫩滑，而且慢慢滾仲索哂啲湯汁！食完一次就明點解咁多人排隊，又平又好味！