影片
更多
2022-08-08
161 浏览
之前食過沾麵一試愛上，今日係奧海城大食代再食沾麵，正！我哋五點去到，仲係特價時段，有好多set選擇，價錢上好抵，試埋個味道，性價比極高！我同朋友分別一人點左一個餐share食。豚肉魚介沾麵同極上L3廣島蠔豚骨拉麵。豚肉魚介沾麵先講個沾麵汁，魚味好濃好鮮，無魚腥味，食得出真材實料，本人食唔出有味精味，愛魚之人必點。另外，個麵粗身彈牙，非常好嚼口，沾上熱辣辣嘅鮮魚汁，無得輸！麪上配上嘅叉燒一陣炭燒味，食得出係好新鮮嘅豚肉，一啲雪藏味都冇，特價時段只係$65！真係超值。極上L3廣島蠔豚骨拉麵廣島蠔另上，有兩大隻，即叫即做，超級脆口，一咬落去好多汁，隻蠔本身好清甜嫩身，淨係食隻蠔都抵返😇拉麵係幼麵麵底，好爽口彈牙，呢碗只係$78！今時今日香港地好難搵到甘抵食又有質素嘅拉麵！特價時段啲小食都好抵食，由於我地太飽，所以下次再戰！
我同朋友分別一人點左一個餐share食。豚肉魚介沾麵同極上L3廣島蠔豚骨拉麵。
豚肉魚介沾麵
先講個沾麵汁，魚味好濃好鮮，無魚腥味，食得出真材實料，本人食唔出有味精味，愛魚之人必點。另外，個麵粗身彈牙，非常好嚼口，沾上熱辣辣嘅鮮魚汁，無得輸！麪上配上嘅叉燒一陣炭燒味，食得出係好新鮮嘅豚肉，一啲雪藏味都冇，特價時段只係$65！真係超值。
極上L3廣島蠔豚骨拉麵
廣島蠔另上，有兩大隻，即叫即做，超級脆口，一咬落去好多汁，隻蠔本身好清甜嫩身，淨係食隻蠔都抵返😇拉麵係幼麵麵底，好爽口彈牙，呢碗只係$78！今時今日香港地好難搵到甘抵食又有質素嘅拉麵！
特價時段啲小食都好抵食，由於我地太飽，所以下次再戰！
张贴
