粉紅水門雞 (衍慶街) (已結業)

新蒲崗呢度都幾多餐廳選擇，今次朋友帶左我去食水門雞，呢間粉紅水門雞雖然細細間但都幾多人食嫁，而且平均每個飯盒既價錢真係好抵，我地揀左兩個飯盒，一個係水門雞飯雞肉嫩滑，飯係油雞飯，另一盒係grandma咖哩牛腩飯，咖哩汁香濃，牛腩肉煙韌，配飯不錯，職員友善，小食叫左青木瓜沙律，入面仲有櫻花蝦，辣辣地，另一個無骨鳳爪都好入味，酸酸辣辣，飲品只有汽水同凍飲，叫左陳年柑桔酸溜溜甘，另一支揀左白桃烏龍茶，茶入面有白桃既香味，幾好飲。推介食物：芒果糯米飯熱辣辣，好軟熟。