炊燒 (已結業)

抵食款式多串燒約左朋友係銅鑼灣聚會，見到間新開串燒店，地方夠闊落，最重要係價錢好抵食，過百款串燒，任你選。🍽串燒首先，店員會放個串燒盤係你台面，下面就會點住蠟燭，咁就唔驚串燒會凍，可以慢慢食，菜品仲特別幽默，好似直男肥腸啦，猛男豬頸肉啦🐖，衰佬五花腩🐷等等，整係聽過名都好過癮，串燒燒得好香，調味選擇了小辣，唔算好辣，岩曬怕辣但又想食辣的人，串燒加埋調味粉好惹味。🍽蔬菜叫左茄子🍆，去串燒店必食，而家好大份，上面鋪滿蒜香，加埋辣粉，愈食愈滋味菠蘿🍍，菠蘿香甜可口娃娃菜，翠玉瓜，韭菜，夠曬fresh🍽錫紙麻辣鴨血大量蒜蓉好香呀，粉絲索晒啲汁超好味，鴨血味夠曬濃。🍽蒜蓉燒生蠔 🦪$38/隻又唔算好貴，最重要係隻蠔夠曬飽滿，食落好juicy，對得住價錢。🍽盲盒冰粉 呢個就真係大推， $1/碗超級抵食，甜甜哋涼涼哋，有好多花生同山楂，岩曬食完咁多串燒之後食，無咁熱氣ps/而家餐廳1蚊1碗冰粉，真係抵食得黎又好味，最正係無限量供應。而家當晚平日去，未夠7點已經爆曬場，想食的話，真係要預早少少去。