亞金叻沙 (鯉魚門廣場) (已結業)

油塘呢個美食沙漠、如果唔落到去鯉魚門或者馬會附近，基本上都係得鯉魚門廣場同大本型選擇。鯉魚門廣場D餐廳10年不變、真係好悶。最近終於新開左呢間馬來西亞/東南亞餐廳、當然立刻試下。對比附近同類型餐廳、價錢真係親民好多、平均$50-60左右就有交易、而且分量都ok。本來以為味道偏濃嘅東南亞菜食完會好口渴、但呢間完全無呢個問題。一人一個主食加小食，大概都係人均$120！不過可能新開張、人流較多、而且人手較亂。肉骨茶俾少左個油條、不過call左店員話下次補返，都好有禮貌！可以再幫襯！