如意冰室私房菜 (已結業)

一直都想試下私房菜，咁啱係灣仔附近打完波約左朋友食飯，行行下見到呢間個名又有冰室又有私房菜嘅餐廳就決定入去試一試👍🏻我地獲安排坐樓上座位，發覺裝修間隔都幾是正闊落，當晚樓上客人不算多。餐廳有提供呢啲壹加壹套餐，包一味特色主菜加小菜一款，幾啱情侶家人朋友黎一齊分享👍🏻👍🏻未落單已奉上例湯一碗，略嫌味噌咸了一點。之後我地叫左小食涼拌窩䀏絲，爽脆帶點麻辣，作為開胃菜非常適合，出面亦少見。小菜我地點左滑蛋炒蝦仁，我同朋友都覺得有驚喜，大蝦蝦仁炒得彈牙，肉質鮮嫩爽甜唔霉，炒滑蛋亦唔會過老，厚身得黎夠滑，帶點蔥花調味啱啱好👍🏻👍🏻特色主菜方面我地揀左重慶烤魚，聽老闆講係由四川廚師親手主理，魚皮焦脆，魚肉唔鞋身，加上大量辣椒花椒芫茜窩䀏生菜等配料送飯一流，不過真係幾辣，對三哥淨係食到三小辣嘅我黎講已經頂到盡😂最後仲有足料薑汁蕃薯糖水奉送，暖笠笠呀👍🏻👍🏻整體黎講呢間私房菜坐位舒適，菜色有水凖亦有川味特色，價格亦合理，好推薦大家黎試下👍🏻👍🏻