花姐越南牛肉粉專門店 (已結業)

今晚喺灣仔附近放工，最近周圍夜晚都好寧靜，好多間鋪頭都好小人，因為得我同同事兩個冇飯食，所以求其行咗一間平時會食lunch嘅餐廳，一向都知道呢間河粉出名，叫咗幾樣野一齊食。

☀️香茅豬扒河粉$60
-豬扒好入味好林，呢間嘅越南河粉好出名，唔會太粗身得黎又煙un感足，份量亦好大碗，最緊要係豬扒分開上，先夠脆。

☀️燒豬頸肉飯$60
-燒豬頸肉有成十幾片，加埋個特配醬汁好正，另外建議飯可以加佢個魚露同辣醬好野味！

☀️炸蝦餅$60
-好出色炸蝦餅，4件蝦餅，每件再切開2片，加埋甜酸醬，同埋蝦餅係食得出有一粒粒蝦仔，唔算太碎個種。

埋單2個人唔使$200蚊，有咁既質素同份量既越南菜，都算抵食！