達順辣蟹火鍋 (已易手) 新餐厅

路過銅鑼灣，小白兔話未試過蟹粥火鍋，一於就去搵間試下。門口見到$198 位海鮮粥底火鍋，睇落唔錯喎。 一於上去試下。原來仲唔使加一添，超抵食。套餐已經包括肉蟹及沙白可以自選五款海鮮，揀咗鮑魚，蝦，花甲，大尾魷同多寶魚。一上枱時幾震撼。海鮮都幾新鮮。鮑魚好有咬口蝦新鮮花甲有淡淡海水味。好味!大尾魷好爽多寶魚 少骨，肉爽仲有煮食教學可以參考，真係好貼心自選8款配料點了肥牛，炸魚皮頭，萵筍，魚皮餃，生菜，墨魚丸，雞件，勝瓜。全部都唔錯。特別肥牛及雞件，夠味又多肉，肉質滑溜。 應該要再encore，可惜太飽了。最後用海鮮及肉類的精華湯底再來煮粥，超正! 另外 點了粟米汁飲，清甜又能去除食火鍋後的熱氣感覺。