御名軒

营业中

休息中

星期五晚帶屋企人嚟到位於天后嘅御名軒食晚飯。食物款式都幾多，除咗單點之外，更有一啲優惠孖寶同優惠套餐，價錢都幾抵。一坐低店員會先送上餐前小食同茶。京式片皮鴨($98/半隻)皮同肉既比例均勻，鴨肉肉質夠腍，帶少許鴨油香。餅皮煙靭，片皮鴨配埋青瓜、京蔥同甜麵醬，味道同口感更豐富，$98幾抵食。生猛波士頓龍蝦($98/隻)我哋總共叫左兩隻龍蝦，另外加左$50伊麵。龍蝦幾多肉，而且爽口，伊麵索哂湯汁同龍蝦嘅精華，幾正~蝦球芝士炒蛋白($ 108)蝦球份量多，而且大大隻，幾爽口。蛋白炒得夠滑，配埋蔥花，味道幾香。楊枝甘露($28)芒果味幾濃郁，配埋清爽嘅西柚，酸甜開胃。