太興 (黃埔天地)

营业中

休息中

太興夜晚有特價小菜，唔想煮飯可以買小菜，自己唔使煮非常方便又抵食。去到基本上好多人買小菜等外賣，但係叫完大概等5分鐘左右就有得拎，唔使等太耐非常好。叫咗住家小菜鹹魚蒸肉餅同中式豬扒。鹹魚蒸肉餅有大大粒嘅馬蹄，加埋鹹魚係梅香鹹魚，唔太符合我嘅口味，所以覺得一般。 中式豬扒量夠多，個汁係好味嘅，但係質素就同出面茶餐廳差不多，但係送飯一流。個人覺得淨係買小菜唔跟餐抵啲，但係就要自己返屋企煲飯啦。本身諗住是$80隻雞，但係一早就已經賣晒，想試嘅要早啲。