北海道食堂 (已結業)

今日同男朋友去沙田行完新城市，想搵個地方晚餐，行到沙田中心，見到呢間日式鐵板放題，任飲任食每人350左右，有近100款美食，趁岀糧豪一豪先。佢食物方面，包括刺身、壽司、鐵板燒、串燒、火鍋、炸物、沙律同甜品，款式包羅萬有！所以其實都算抵食，仲有啤酒任飲，呢個都已經抵哂。刺身都新鮮，有帶子、三文魚、希靈魚，甜蝦等。佢仲會送每人一隻鐵板大蝦，好惹味，重點佢有鐵板鵝肝任點，唔係度度有得食，不過會徧油，食落香口肥美，有鵝肝嘅油脂香，食左十舊😂 佢亦有燒生蠔燒帶子唔同海鮮。我地仲叫左日式豚肉火鍋，有成六舊豚肉，份量超多，岩哂大胃王食。小食又有燒雞翼、雞軟骨等，仲有天婦羅，最後有雪糕任食，感覺超滿足！