亞金南洋茶室 (新都城中心二期)

晚餐唔知食咩好，但又唔想再食平時成日食到既茶餐，於是揀左呢間賣星馬菜既茶室。

福建炒麵
呢個係呢餐最有驚喜的，麵條爽彈有咬口，火喉十足，面頭有肉鬆，配埋麵條一齊食鹹鹹甜甜非常特別。

芭提雅燒雞扒配馬來椰漿飯
整體味道不錯，雞扒份量十足，仲有花生小魚，椰漿飯有淡淡椰漿味，配埋雞扒食岩岩好。

馬來肉鬆煉奶油酥餅
呢個酥餅非常好食，夠香夠鬆而且好多肉鬆，完全可以當甜品食。

越式香茅雞翼
牛油味足，價錢不貴，用來送飯送麵都好適合。

飛天通菜
健康飲食又點可以無綠色疏菜，獲氣比想像中夠。

整體味這不錯，價錢都唔算太貴，有時想轉下口味食下星馬菜都唔錯。