影片
更多
2019-02-18
2527 浏览
多年前要短暫離開香港，當時都只係讀緊大學嘅朋友仔，負擔唔到太貴嘅晚飯，又正值大食之年，就黎左德福閣呢度farewell我。事隔九年，最近無意中見到德福閣晚市自助餐竟然仲係唔哂三百蚊一位，就再黎懷緬一下。冷盤：蟹腳、藍青口、生蠔、蜆、蝦、三文魚、壽司生蠔有半隻手掌咁大，每次拎出黎都即時俾人攞哂，要再等下一輪，所以新鮮程度有保證。幾款海鮮都好鮮甜，我鐘意加少少檸檬汁提味。三文魚夠哂肥美，仲係厚切版，所以我只係小嚐兩片，留肚食其他野。沙律吧：雜菜、番茄仔、螺絲粉、栗米、雜果、紅腰豆、西蘭花、椰菜花、菠蘿、荔枝、薯仔、紅菜頭、麵包粒，另加mayonnaise、千島醬同法式汁。自助餐黎講呢個沙律吧算係非常出色，我所有材料都試過哂，擺埋一碟色彩繽紛令人食慾大振，特別鐘意食荔枝，又香又開胃。另外仲有日式冷麵，望落有原味同抹茶味，不過我胃口有限冇試。其他冷盤仲有cold cuts、鴨胸、厚牛舌、番茄salami腸、紫椰菜沙律、茄子等等，全部都調味調得唔錯，中間有個三層架令到成個set-up當堂靚左。食完冷盤唔經唔覺已經飽左一半，但熱盤間唔中都會轉下款咁，又令人不停咁再食。我飲左肉骨茶、食左焗蠔、豉椒炒
冷盤：蟹腳、藍青口、生蠔、蜆、蝦、三文魚、壽司生蠔有半隻手掌咁大，每次拎出黎都即時俾人攞哂，要再等下一輪，所以新鮮程度有保證。幾款海鮮都好鮮甜，我鐘意加少少檸檬汁提味。三文魚夠哂肥美，仲係厚切版，所以我只係小嚐兩片，留肚食其他野。
沙律吧：雜菜、番茄仔、螺絲粉、栗米、雜果、紅腰豆、西蘭花、椰菜花、菠蘿、荔枝、薯仔、紅菜頭、麵包粒，另加mayonnaise、千島醬同法式汁。自助餐黎講呢個沙律吧算係非常出色，我所有材料都試過哂，擺埋一碟色彩繽紛令人食慾大振，特別鐘意食荔枝，又香又開胃。
另外仲有日式冷麵，望落有原味同抹茶味，不過我胃口有限冇試。
其他冷盤仲有cold cuts、鴨胸、厚牛舌、番茄salami腸、紫椰菜沙律、茄子等等，全部都調味調得唔錯，中間有個三層架令到成個set-up當堂靚左。
食完冷盤唔經唔覺已經飽左一半，但熱盤間唔中都會轉下款咁，又令人不停咁再食。我飲左肉骨茶、食左焗蠔、豉椒炒青口、炸黃魚、豬扒、蒸芋頭肉片、臘味飯等等，質數都幾平均，味道對辦。
食到中段會每人送一個焗蟹蓋，入面有好多蟹肉，正到幾啖就食哂唔記得左影相
甜品有勁勁勁多款！有成個餅櫃嘅奶凍，黑加侖子味啫哩呀，牛奶布甸呀，士多啤梨/芒果奶凍呀咁，全部都細細杯，如果胃口唔大，我建議先試大約2-3杯。
另外仲有芝士蛋糕、士多啤梨蛋糕、和果子、西洋菜蜜桂花糕、杞子糕、各種水果、brownies、即製pancake等等，生果好新鮮好甜，芝士蛋糕有少少檸檬味，唔會太滯，其他果子同凍糕食落好清涼，即製pancake可以揀港式（花生醬、糖）又得，西式（忌廉、香蕉）又得。
仲有雪糕杯同任飲嘅飲品！鐘意食甜品嘅話記住要留肚～～
另外一個有廚師嘅角落大約八點前係切牛扒嘅，八點就會有火焰麵包布甸同埋梳乎厘。呢度有好多一家人或者一班老友記黎慶祝生日，八點後就陸陸續續開始切蛋糕，聽住家人／朋友互相送上祝福，即使我地唔係慶祝生日，都感覺到氣氛好溫馨。
张贴
