Bubble Green (已結業)

朝早，媽咪煲咗 10 穀粥俾我做早餐，慘嘞！我最怕食粥！好多時會辣親條脷，或者食唔飽！好啦！就算唔想食，喺佢面前點都食番2 碗。無謂白費佢一番心機！結果，我尚未落車已經覺得有點肚餓，好在我返公司之前肚餓，仲買得切早餐。如果買麵包凍冰冰，又唔想！突然醒起呢間小店，見到有多款早餐，中西式任君選擇，平平地都 OK!Menu 上 mention 熱辣辣熱狗，OK 喎！涼涼地食個暖笠笠熱狗！一個熱狗$9，如果加飲品，只需 $12。抵食呀！由於時間關係，我買咗一個熱狗 $9買熱狗即買即有，蛋黃醬真係幾多，個包烘過，熱辣辣 ！ 原條香腸，只是缺乏蕃茄及菜之類東西！無咩料！