德克士 (已結業)

琴日路過見到$19下午茶餐，包一個飽同一杯氣水，呢個價錢實在太吸引，平時甚少食下午茶都忍唔住試下，飽唔乾熱辣辣，最緊要係即整，抵食過金拱門。今日再試$15早餐，包一個飽跟咖啡/豆漿，都係果句抵食，個飽唔係整好果隻，咖啡即磨，呢排番灣仔襯佢做優惠都會繼續幫襯。題外話，初初經過仲以為係國内品牌，今朝有位帶眼鏡男仕問我係咪第一次食，我話琴日試過下午茶覺得抵食所以再幫襯，傾談間發現原來係台灣品牌，唔怪之得店員咁好傾又熱情。