日牛涮涮鍋專門店 (已結業)

男朋友無啦啦話想食火鍋🍲，但係得2個人其實叫唔到好多野食，所以就去左屋企附近一間專門食一人一火鍋的日牛涮涮鍋。餐廳提供4款唔同價錢的牛肉俾食客選擇，揀定左之後就係無限量供應，仲有5-6款湯底可以揀。我地揀左特選牛，雖然係薄薄一片，但係食落肉質都唔錯。每盤大概6片左右，想食幾多盤就叫幾多盤，非常方便。豬肉亦都可以任叫，不過基本上每枱都係主攻食牛多。另外其他火鍋配料都係自助區域，大概有20款左右，都算多。埋單每人$2xx就搞掂都幾抵食！