野川拉麵の深燒食堂

营业中

休息中

元朗出名嘢食多，尤其日本餐廳特別多，今次搵到呢間日本餐廳， CP值好高，午餐好抵食！叫咗個自家製豬軟骨濃湯烏冬，都係70幾蚊，仲要包嘢飲。個湯底好濃豬骨味，不知不覺飲咗好多湯，自家製嘅豬軟骨好入味，忟得夠腍身，入口即溶。烏冬煙煙靭靭有咬口，比起普通烏冬質地麵質夠滑，個烏冬仲有好多配料，有蟹柳、木耳、粟米、十分豐富。假期嚟嘅話有假日限定午餐，叫咗芝士牛角漢堡，塊漢堡扒好厚身，用咗牛肉豬肉雞肉一齊整，好特別，喺其他地方食唔到，牛角包都看到好脆，個餐仲要跟埋熱辣辣嘅薯條同蘋果沙律，又可以揀特飲，真係抵食！呢度啲炸物好高質，必點芝麻雞翼，即叫即炸，上枱熱辣辣，果皮炸到脆卜卜，但入面啲雞肉仲係好多汁好嫩滑，一啲都唔乾身。仲有芝士薯餅，同樣熱辣辣，一咬落去啲留心芝士流晒出嚟，好好味！呢度啲嘢飲選擇都好多，我揀咗可可阿華田芝士奶蓋，芝士奶蓋打得好滑，一啲都唔漏，配埋濃郁嘅阿華田，仲有少少脆脆，配搭得好好。