定食8 (已結業)

同屋企人黎食 平平地 呢個係牛肉壽司卷 覺得幾抵食 同埋味道唔錯 牛肉都幾有味另外再叫左呢個小食，芝士帆立貝，都算多，味道正常發揮，芝士都夠，性價比算高。叫左呢個鰻魚蛋包飯定食，覺得呢個係超值，原條鰻魚，蛋都多，有芝士。女仔食應該會太飽，男士就應該ok。呢個壽司加豬軟骨烏冬啱晒我，所有壽司都係平日鍾意食嘅，有元貝仔壽司，鰻魚三文魚，甜蝦同埋蟹膏蟹肉壽司，幾特別。豬軟骨烏冬比較細碗，但豬軟骨夠軟夠淋，味道唔錯。仲有叫左蟹膏蟹肉飯，呢個味道正常，份量都OK。每個定食都包1碗湯，今次個湯味道偏鹹，之前好飲d。然後有個海帶小食，小小酸，係開胃菜。今次好彩唔多人唔洗等位。