鳥棲日本料理 (已結業)

去觀塘行街街，shopping完，個人散晒，我地就向附近搵野食。觀塘勁多公廠大廈，好多野賣，亦有好多特色野食。我地搵到一間叫鳥棲既日式餐廳，就入去試下。一入門口已經見到好多張沙化座位，睇上去好舒服咁，重要係勁闊落。我地坐底左，店員就比餐牌我地，餐廳都勁多野食，要一段時間先選好食咩😂餐廳有2人套餐供應，價錢都唔算貴我地叫左個牛油果蟹子沙律，份量都算大，2個人食當前菜岩岩好。佢地啲牛油果好新鮮，將啲蟹子同沙律醬撈埋一齊食，非常好味👍🏻主菜方面，我地叫左一個滑蛋黑毛豬排飯，雞軟骨同埋牛舌串燒。豬排飯幾特別，要自己燒熱佢，再加入雞蛋，撈埋一齊先食得。味道不錯，豬排吸收埋啲汁，再加埋雞蛋向表面，好味。串燒都係整叫即燒，好新鮮，牛舌燒到岩岩好，加上檸檬汁，將味道提升了一個層次。雞軟骨外脆內軟，加上少少鹽，當小食咁食，一流👍🏻👍🏻總括來講，呢間餐廳面積大，坐得舒適，食物好味，推介指數達到⭐⭐⭐⭐