B-mix 燒肉餐酒館 (已結業)

元朗好多好嘢食，自從朋友介紹B-MIX話好食之後，次次經過都想入去試吓，最近終於的起心肝同老公去「約會」，原來裡面好大裝修好靚，上樓梯去到餐廳門口見到龍貓迎接已經開心，入到裡面更加別有洞天，滿天日式小燈籠+巨型雞泡魚燈籠，充滿懷舊昭和時代風情，好有夜遊新宿食街歎燒肉餐廳嘅感覺。全部座位都好寛敞好舒服，其實拍拖或者同朋友嚟聚會都好正。原來星期一至日所有套餐都有照價7折，換言之，我哋點嘅二人燒肉套餐（$588) 折咗只係$411.6，真係超抵食。 有沙律、丼飯、刺身三點盛、先付二品、時令海鮮三盛盤、薩摩赤雞腿肉、薩摩赤雞腎，另可揀牛或豬。我哋揀牛拼盤，有安格斯牛小排、安格斯牛粒、厚切牛舌心，仲有野菜盤，包括甜薯、冬菇、南瓜！刺身、燒肉、燒海鮮，好好食，安格斯牛小排同牛粒油香濃郁，肉質軟諗。鹿兒島薩摩赤雞係日本三大名雞，以天然穀物、天然河水餵飼，脂肪少味道濃，肉質鮮嫩非常彈牙。點菜時，燒肉嘅調味可以揀醬燒、鹽燒，而且每張桌上調味架亦非常齊全，但令我哋驚喜嘅係個丼飯，簡簡單單但就令成個餐感覺更豐富 (老公話通常去燒肉都諗住係食白飯，估唔到呢個細微位會impress到佢）。總括而言，呢個環境，呢