極尚大喜屋 (鱷魚恤中心)

营业中

休息中

過節想食大餐又唔想太貴，當然就係去食放題啦，對上一次食放題都好一段時間，不過上一次都係食呢間極尚大喜屋，佢地除左午市定食好抵食，晚市都唔錯，而且都好受歡迎，當日七點去到已經有好多人排隊入座外面自助區有熟食吧(蒸魚，田螺，炸餃子，關東煮，豬手等)，有中式糖水，蟲草花雞湯好濃郁！海鮮冷盤有蝦同埋貝類，仲有時令生果。另外飲品區都有好多選擇，提供好多款啤酒有Somersby蘋果酒及人氣啤酒，另外仲可以任飲清酒同埋梅酒。講完自助梗係到QR code落單嘅產品。刺身同埋壽司類：刺身方面選擇都有好多，十幾款刺身，三文魚，油甘魚，吞拿魚，希靈魚，北寄貝，赤貝，甜蝦，八爪魚，應有盡有，一點樣好快就上枱，另外都有泰式虎蝦！壽司方面其實都好驚食到飽，但係佢哋都有一啲特色嘅壽司，我都覺得好吸引嘅例如花之戀，芝士鰻魚玉子燒，同埋海膽山，聽個名真係好吸引，黎到都無中伏，海膽食落都帶甜！熟食方面我哋分別叫咗芝麻雞翼、燒香草羊鞍、蒜蓉粉絲蒸扇貝、比目魚，蒲燒鰻魚、鹽燒牛舌、燒菠蘿。我自己覺得每一樣嘢都幾好，比較推薦嘅一定有燒菠蘿，蒲燒鰻魚，同埋羊架！最後喺甜品方面自助區有十多款雪糕Haagen Dazs，仲有自家雪糕