魚蛋佬 (旺角中心) (已結業)

諗住搵d輕食小食食下，上左旺角中心逛左一圈，見新開左間香港地道小食，而且見價錢好學生價。旁邊有少少位置，可供立食，有叉及竹簽供應。店內只見得1位員工，但都算快手。今次要左白滑腸粉，再加8粒秘製辣魚旦，加埋都只需$21。腸粉幾滑，而且熱辣辣，醬汁都不錯。而辣魚旦，辣度適中，但略嫌乾左少少，細細粒易入口，$10有8粒，幾抵食。等緊其間，見好多人都order要白魚旦，相信係招牌之一，下次有機會都試下先。