影片
更多
2018-11-17
89 浏览
今晚係family day，帶曬全家黎近近地食番餐～叉燒煎蛋飯好似係依度推薦既食物，所以就叫左一份嚟試下，叉燒份量好足，食落又juicy又唔肥，最特別係原條上而唔係切開，煎蛋煎到啱啱好，啲飯撈埋啲蛋汁同豉油，一個字正～至於個千葉豆腐，賣相真係冇得彈！直頭同menu張相一模一樣,一睇就知到師傅刀功認真犀利, 望住碟咁靚既菜式真係唔捨得食！影完一輪相,試食左一啖,豆腐清香嫩滑,滑到好似食豆腐花咁，再搭埋碟菜中間既配料，一個字「正」。配料既鑊香再加上豆腐既清香，簡直係香上加香，無得彈！相比之下，個雞就顯得有d失色。味道唔係太均勻，雞既肥膏仲多過肉,我地每個人食左一舊就冇再食。反而菜入面既炸蒜仲香過d雞肉，係其他高水準菜式既襯托下，認真有d失望，唔建議大家點呢個菜。總括而言，價位ok，服務幾好，可以一戰～
叉燒煎蛋飯好似係依度推薦既食物，所以就叫左一份嚟試下，叉燒份量好足，食落又juicy又唔肥，最特別係原條上而唔係切開，煎蛋煎到啱啱好，啲飯撈埋啲蛋汁同豉油，一個字正～
至於個千葉豆腐，賣相真係冇得彈！直頭同menu張相一模一樣,一睇就知到師傅刀功認真犀利, 望住碟咁靚既菜式真係唔捨得食！影完一輪相,試食左一啖,豆腐清香嫩滑,滑到好似食豆腐花咁，再搭埋碟菜中間既配料，一個字「正」。配料既鑊香再加上豆腐既清香，簡直係香上加香，無得彈！
相比之下，個雞就顯得有d失色。味道唔係太均勻，雞既肥膏仲多過肉,我地每個人食左一舊就冇再食。反而菜入面既炸蒜仲香過d雞肉，係其他高水準菜式既襯托下，認真有d失望，唔建議大家點呢個菜。
總括而言，價位ok，服務幾好，可以一戰～
张贴
