OPPA韓國燒肉店 (已結業)

好耐無黎過oppa燒肉，見到佢有$188放題就一於試下有三款前菜，味道正確，個人鐘意食海帶，雖然只有少少麻油味，略嫌調味唔夠，但都好食既仲叫左真露蜆湯感覺味道有少少似大醬湯，清清地咸咸地係唔錯既大腸有啲太腍，放試鐵板燒下再食會好啲蜆既份量都幾多，算新鮮成碗湯份量連埋配料都幾多另外仲叫左雪濃湯同韓國個啲雪濃湯無得比，但佢都奶得幾好飲而且入面同樣好多牛肉，炆到好腍，少少入口即溶成個湯調味係幾好，略嫌太油，好易滯主角燒肉出場牛小排係幾靚既，雪花都幾多，食落油脂都算豐富但都係有啲筋隔離既牛肋肉望落唔算新鮮，咬落口都偏韌但店員好好幫我地換左，新既都ok既！除左牛仲有兩款豬，分吃係 五花腩 同埋 豬頸肉兩款豬肉都幾有驚喜五花腩好大條好厚，食落啖啖肉又有肥膏，係唔錯豬頸肉雖然辣，但幾好食，算係最好食既一樣！總括而言，質素正常，呢個價錢都算抵既！