泰風SO

营业中

休息中

今晚屋企得 2 個人食晚餐，想食泰國湯粉，夜晚呢邊無咩選擇，咁就過左黎葵廣泰風so，叫左個冬陰功海南雞米粉$48，泰式生菜包$40，仲有泰式無骨鳳爪$30，加埋$120 都唔使，2個人晚餐黎講好抵。間鋪頭細細地，一個人負責收錢，廚房好似都係得一個人做，但都幾快手，佢叫我唔好行開，好快拎得，又真喎，大約10 分鐘就拎得。冬陰功海南雞米粉唔算好辣，海南雞幾滑，幾好食。泰式生菜包都幾大包，不過好咸，我諗下次唔會再叫了。泰式無骨鳳爪酸酸地幾開胃。