爆丼屋

兩個人去旺角睇戲， 夜晚9點幾好多餐廳都last order. 所以去左呢間到食。
星期六晚 要等2張票都算合理既。
入到去坐bar 台就唔太舒服 因為我個子比較矮。
叫左兩個飯， 一個係火焰禮，另一個係三文魚火山。包每人一碗麵豉湯。 湯味濃，唔會死咸。
火焰盛輕輕火燒過， 魚生都保持到鮮味。
而魚生飯個拖羅蓉好好味， 魚籽新鮮，其他魚生不過不失啦。
成個碗約碗半份量，女仔夠食，男仔就唔夠飽了
其間服務員都有keep住加水， 服務不錯。