天天海南雞飯 (ELEMENTS圓方)

营业中

休息中

好耐冇去旅行呀, 之前仲諗住氣泡旅行可行,可以去新加坡玩返一轉, 但係呢家嘅話, 就食住新加坡菜頂一頂先. 咁啱我哋今日去西九行, 隔離就係圓方啦, 所以梗係要嚟試一試呢個過江龍, 天天海南雞. 餐廳嘅裝修幾好, 睇得出係有畀心機, 另外餐牌其實都唔止有海南雞, 仲有其他嘅新加坡菜式. 例如係肉骨茶. 不過我今日想嚟食油飯, 海南雞同油飯梗係唔少得. 另外居然喺度會有釀豆腐, 梗係叫一個呢送一餸飯, 豆腐釀咗一啲海味,味道鹹香十足.  另外我哋叫咗一條炸魚, 份量比想像中大, 魚肉同魚骨一齊上, 炸得好鬆脆, 粉漿唔會太厚, 食落去仲食到魚肉嘅鮮香, 另外仲配咗個酸辣醬, 咁食落就唔會太膩, 配搭得啱啱好.