韓膳宮 (已結業)

朋友一早買左韓膳宮放題優惠券每$169位，再加每位$28服務費，任食3小時，原價$282。佢另外仲有個88蚊放題優惠，但就唔係每樣都任叫，只得75分鐘時間。自從上次買左個日本放題優惠券，有啲唔好嘅經驗，本來對優惠券嘅質素唔會抱好大祈望，但呢個放題都算有啲驚喜。訂左12點，入到去冇人，得我哋二人，覺得好爽🤣，之後先陸陸續續有人來。食物款式尚算多選擇，海鮮有蝦，生蠔，帶子，帆立貝，仲有三文魚，吞拿魚等刺身，韓式小食有芝士炒年糕，炸雞，海鮮煎餅。雪糕都好多口味，有抹搽，朱古力，咖啡，仲有我鐘意嘅薄荷。肉類嘅品質都唔錯，值得一試😋