夢工房西日料理 (已結業)

今晚朋友話在葵芳收工，想揾我食大餐，咁我哋去咗好爵中心夢工場，餐廳主打日式放題又有火鍋，啱晒我朋友口味，坐位寬敞舒適，服務員跟單收碟都很快手，先叫餐前小食，芝麻八爪魚，蒜味螺肉及中華沙律都好味，新鮮菠蘿勁甜同juicy,再來一碟剌身，剌身非常新鮮，三文魚腩肥美入口即溶，八爪魚爽口彈牙，甜蝦鮮甜味十足，壽司細細粒，一件一口剛好，羊扒鬆軟有羊味，黃金燒蠔有芝士面，嘢味十足，蒜香燒蠔，勁多蒜蓉，香味濃郁，天婦羅樣樣都唔錯，炸粉皮薄香脆，蒜香雞翅都炸得外脆內軟又juicy,跟住就再食火鍋，配料普通，但有至愛炸魚皮同新鮮爽脆靚菜，真係要捧住個肚，但都要食埋女仕至愛的甜品，餐廳有雪糕，雪條同蛋糕，真係大滿足。