極尚大瀛喜日本料理

营业中

休息中

好耐無食放題，聽閒呢間餐廳唔錯，就約朋友一齊去食。食日本野當然唔少得剌生，剌生選擇唔少，有超過十種，我同朋友決定全部都試下。上菜速度好快，相機食完就我地食，剌生好新鮮，切得算厚，特別推介甜蝦，非常高質。之後再食壽司，菜單有足足五頁，我同朋友都好興奮地點，又係好快有得食，壽司比出面食嘅細，不過仲好，食多幾件都得！眾多壽司之中，忌廉芝士饅魚卷令人難忘，食完會有想再點嘅衝動！一品料理試左花膠同牛柳粒，味道一般。反而炸嘢有驚喜，虎蝦天婦羅、炸鮮奶同芝士年糕都炸得啱啱好，唔會好粉，而且熱辣辣，正！串燒嘅牛舌、雞骨串亦唔錯，至於羊鞍燒得外面脆，入面仍然肉質鮮嫩，令人驚喜！除左可以點食物，出面亦有自助嘅甜品、飲品及沙律bar, 選擇非常多，令人眼花撩亂，自助雪糕機吸引左唔少人，我亦唔例外。總括而言，餐廳價格性格比十分高，晚市兩小時每人$220,上菜速度快，亦唔會漏單，有機會一定再食！