影片
更多
2018-06-05
1679 浏览
住左長沙灣咁耐，其實好少行西九龍中心，不過最近天氣咁熱，又唔想四圍去，梗係走入商場涼下冷氣，順便搵下有咩好食啦。行到6樓見到呢間韓日燒有自助晚餐，可以自助燒烤再加火鍋。成人每位$168、晚上6:00前入座或8:45後入座每位減$20。價錢都相當吸引呀，一於試下佢先。由於時間尚早，入到黎好多位置可以選擇。地方都幾大，啲檯又唔會拍得好貼，感覺舒服。醬料區嘅選擇極多，等我混番個靚醬先。食物以自助形式去攞，火鍋配料款式一樣咁多，每樣試一件都夠飽呀。燒烤方面，有大大條秋刀魚可以返位慢慢燒黎食。肚餓等唔切燒或者火鍋嘅話，熟食區呢度幫到你，雞翼、咖哩角、炒飯任君選擇。飲品方面，有汽水機提供，仲有五花茶、青蘋果綠茶、無糖凍奶茶等等。另外，呢度嘅豆漿有凍有熱，就算有長者、小朋友唔飲凍飲都唔怕。而且自己加糖，夠晒健康。除左燒烤同火鍋，呢度仲有迥轉壽司同刺身，都係任食架。睇住師傅切三文魚刺身，再放上迥轉帶，我就知道「機會黎啦，飛雲」。即時攞左一碟，賣相同味道都唔錯，而且夠晒新鮮。凍櫃入面嘅甜品有熱門嘅涼粉、奶凍、什果沙律....比較少見嘅有芒果味大菜糕、椰汁糕同焦糖燉蛋，梗有一款啱心水嘅。呢度食品嘅選擇夠晒
又唔想四圍去，梗係走入商場涼下冷氣，順便搵下有咩好食啦。
行到6樓見到呢間韓日燒有自助晚餐，可以自助燒烤再加火鍋。
成人每位$168、晚上6:00前入座或8:45後入座每位減$20。
價錢都相當吸引呀，一於試下佢先。
由於時間尚早，入到黎好多位置可以選擇。
地方都幾大，啲檯又唔會拍得好貼，感覺舒服。
醬料區嘅選擇極多，等我混番個靚醬先。
食物以自助形式去攞，火鍋配料款式一樣咁多，每樣試一件都夠飽呀。
燒烤方面，有大大條秋刀魚可以返位慢慢燒黎食。
肚餓等唔切燒或者火鍋嘅話，熟食區呢度幫到你，雞翼、咖哩角、炒飯任君選擇。
飲品方面，有汽水機提供，仲有五花茶、青蘋果綠茶、無糖凍奶茶等等。
另外，呢度嘅豆漿有凍有熱，就算有長者、小朋友唔飲凍飲都唔怕。而且自己加糖，夠晒健康。
除左燒烤同火鍋，呢度仲有迥轉壽司同刺身，都係任食架。
睇住師傅切三文魚刺身，再放上迥轉帶，我就知道「機會黎啦，飛雲」。
即時攞左一碟，賣相同味道都唔錯，而且夠晒新鮮。
凍櫃入面嘅甜品有熱門嘅涼粉、奶凍、什果沙律....
比較少見嘅有芒果味大菜糕、椰汁糕同焦糖燉蛋，梗有一款啱心水嘅。
呢度食品嘅選擇夠晒多，加上價錢合理，又近屋企，下次叫埋阿爸夠媽黎試下先，
佢地最鍾意食放題，而且長者仲只係收小童價$92，認真抵呀。
张贴
