組長日式放題 (已結業)

旺角一向都多放題，仲愈開愈貴添，加埋一差唔多成300蚊😣。相對黎講，組長真係抵食好多！！食放題最緊要緊係食刺身啦！基本上大路嘅刺身都齊全，三文魚同甜蝦最好食，新鮮色澤靚👍🏼放題我就比較少食壽司，但火炙壽司我一向都中意食，所以都試一試先！火炙玻璃蝦壽司好好食，爽口加埋燒過嘅沙律醬，正！我仲encore左添呀！熟食方面，炸蠔都幾好食，細細粒，入面幾juicy。芝士蝦波幾特別，好彈牙，出面少見。牛柳粒都係要試嘅，好多肉汁。燒物都唔錯，燒蝦唔會太乾身。