漁屋日本料理 (海寶花園) (已結業)

周街都係日式放題，但要同大食friend去食飯，抵食又有質素嘅放題就最重要。朋友住大埔，咁我哋就一於去大埔漁屋啦。卡位梳化座椅舒適，枱面寬闊，夠晒位放食物。更值一讚既係没有出現漏單情況！飲品方面種類不少，各式茶品應有盡有。綠茶、烏龍茶、解茶、啤酒、汽水、各式紙包飲品，連椰青水都有！放題方面有刺身、壽司、手卷、天婦羅、燒物、炸物、串燒及鍋物，款式好多。刺身上枱時有墊底冰，保持新鮮。刺身出奇地新鮮，魚生及蝦刺身均没有腥味。蝦爽脆鮮甜、三文魚刺身質感軟滑、吞拿魚油脂豐富爽口。手卷細細支，唔怕食飽個胃食唔到其他野。壽司方面亦不遑多讓。炙燒三文魚甘香，入口即熔。炸物方面特別推介紫薯。外脆內軟，煙靭黏連，口感非常之好。燒蝦鮮甜，肉嫰彈牙。甜品方面有自家製嘅甜品，仲有雪糕。