吉壽日本料理 (已結業)

食放題當然首先要叫一碟刺身拼盤, 刺身就正常嘅都ok嘅, 普通放題刺身, 有我至鍾意食嘅三文魚同希靈魚正呀, 刺身拼盤上面有一盤乾冰, 釋放啲白色嘅二氧化碳感覺都幾有氣氛, 切刺身嘅刀功呢就唔錯, 唔會一舊大一舊細, 唔會有呢一岩一忽。我叫咗一碟蒲燒鰻魚, 個鰻魚實在太好食, 所以相裏面只係淨返一舊鰻魚, 佢哋嗰碟鰻魚煮得十分之林又少骨, 我十分推介。呢個牛油焗帶子十分邪惡, 呢個焗帶子加咗牛油同芝士仲有忌廉同洋蔥, 一食落口牛油同忌廉味非常濃郁, 又唔會冚咁過帶子嘅鮮味, 值得推介！呢碟牛肉壽司(我已經唔係好記得菜式嘅名) 牛肉輕輕咁被火燒過, 非常之惹味！唔知點解好多放題餐廳嘅壽司都係比普通嘅壽司細咗個碼, 不過唔緊要好食就得啦, 呢個三文魚腩壽司ok嘅。最好呢個火鍋牛肉(我已經唔係好記得菜式嘅名) 鍋裏面材料十足, 有豆腐有娃娃菜有牛肉有金菇, 唯一美中不足嘅地方就係湯有少少甜得滯。呢間放題餐廳嘅裝修十分有特色, 有一個大嘅雪櫃好似7仔咁樣畀你任攞嘢飲, 服務態度亦ok總括而言我認為這間放題值得推介！