神輿日本料理 (已結業)

今日收早行街行到咁上下，就搵幾位舊同事 出嚟食飯，旺角係約食飯既好地點，相約九點在旺角等，最多嘢食就緊係創興廣場～我就負責搵一間未食過既放題就係你喇～上到去剛好排在九點時段～一坐低當然寫食物紙～ 刺身也有11款， 壽司，卷物，小食，燒物，炸物，甜品，飲品～款式也多～刺身新鮮，帶子比較大粒，北極貝也大片～芝麻雞翼比預期之中好食～ 香脆外皮雞肉嫩滑帶有少少微辣～一口壽司，火焰和牛壽司雞肉軟骨棒， 碎雞肉帶點軟骨口感一流～芝士焗蠔上有厚芝士， 芝士焗虎蝦有沙律醬加芝士～所以兩種味～刺身方面我地追加左成三至四次，一口一口不知不覺又在追加，個個都食到好飽冇食甜品， 美中不足沒有海膽壽司～