泰源獅城風味 (已結業)

新加坡無骨海南雞半隻❤香口嫩滑，啖啖肉無骨，食到好滋味。亦可以蘸上辣醬 黑豉油 / 薑茸。我自己就覺得薑茸最好味，亦唔會好咸，蘸海南雞岩岩好!蒜蓉炒芥蘭❤食起黎爽口脆甜，大大碟，蒜蓉係新鮮食起黎唔會死咸，芥蘭亦冇苦味，大推!時間岩岩好，可以叫返個下午茶套餐冬陰功海鮮米粉❤ + 喇沙海鮮米粉❤ 另外再叫多2隻新加坡特色糖心蛋。2碗米粉既配料基本上都一樣。冬陰功會有磨茹，而喇沙就多左豆卜。主要食材有蝦，青口，魷魚。食得夠辣既必試冬陰功，如果怕辣就可以試下喇沙。雖然係下午茶，但份量同一個lunch 既份量一樣，好抵食。而且餐廳仲有個迷你自助沙律吧❤，無論你叫咩野食，都可以任食~ 有3款水果，蕃茄仔，枝豆等等，免費既開胃小食 / 餐後果，性價比高。