夢工房西日料理 (已結業)

夢工房西日料理新裝修的日式放題，好有格調的裝修，夢工房感覺上都幾前衛，外觀就似以貨櫃、金屬、電影等要素做主調，別具一格。刺身賣相好靚， 色澤好光鮮，刺身全部厚切，食落有口感。三文魚沒有雪藏味，有魚鮮味，反而突出了豉油的鹹鮮。希靈魚也有魚香，象拔蚌刺身爽口；最有驚喜的是帶子，非常爽彈。壽司推介花之戀，同埋帶子壽司。帶子壽司有黑松露喺上面，食材好新鮮，好濃嘅黑松露味。至於花之戀，就有蟹籽同埋沙律面醬配搭，都好有鮮味。食落去一大啖，好有滿足感。羊架、西冷牛扒上枱都好唔錯，味道好好，漢堡扒比想像中好味，最值得一讚就是羊架 ，肉質不騷不銀，而且加上醬汁，非常美味。炸蝦天婦羅炸得很鬆脆，上枱嘅時候要即食， 蕃薯和南瓜超甜。 我最中意食嘅炸流心紫芋丸同埋燒雞翼，兩款都好美味。甜品方面有，有各款糕點甜品，還有冰涼的豆腐花，啫喱和雪糕，雪條等等，仲有平時比較少見嘅焦糖藍海鹽雪糕、香芋綿綿冰。呢度除了有汽水外，仲有啤酒、梅酒和清酒都是任飲，所以來呢部度飲吓酒食吓嘢都係一個唔錯選選擇。作為葵芳唯一一間既日式放題，價錢質素亦係唔錯，行完商場後就黎大食一餐都係一個唔錯既選擇。