十勝牛和食料理 (已結業)

十勝牛一直都係我食日本餐好愛的餐廳，好抵食同食物新鮮壽司平均每6-10蚊一件，啲三文魚都好大塊，個口感都好，唔會有好多渣，甜蝦好鮮甜！蟹子沙律嗌左個細的，但好足料，2個人都食唔曬，啲青瓜好幼，食落啖啖青瓜同蟹子，沙津醬又夠味！餃子同照燒牛扒都好夠味，多到完全食唔曬，所以真係好抵食！加洲卷一直都係我最愛！一份有5件！一啖食落口岩岩好，啲蟹子多到成隻碟都係！好滿意的食物質素，不過人比較多，有時叫職員要比較耐